Y diweddaraf gennym ni

Blwyddyn newydd, aelodaeth broffesiynol newydd!

Mae Bla bellach wedi ymaelodi ag ELIA, neu’r European Language Industry Association, sef cymuned o thros 200 o gwmnïau gwasanaethau iaith. Mae datblygiad proffesiynol yn hollbwysig i ni yma yn Bla, felly mae ymaelodi ag ELIA yn gyffrous iawn! Cliciwch yma i weld ein proffil. Cliciwch yma i weld ein proffil.

Rydym yn edrych ymlaen at ddysgu gan ieithyddion eraill, rhwydweithio ag arbenigwyr o’r un anian a chyfrannu at y diwydiant cyfieithu drwy ELIA.

Llongyfarchiadau i Nia, ein Cyfieithydd, sydd wedi llwyddo i ymuno â Chymdeithas Cyfieithwyr Cymru yn dilyn arholiad yn rhoi ei sgiliau cyfieithu dan brawf ym mis Hydref 2023.

Ymunodd Nia â ni fel Cyfieithydd ym mis Tachwedd 2021 ac mae ei gyrfa wedi mynd o nerth i nerth. A hithau wedi dangos sgiliau ieithyddol cryf, mae’n bleser gennym ddweud bod Nia bellach wedi’i dyrchafu’n Uwch-gyfieithydd yma yn Bla.

Mae hi eisoes wedi cael dechrau arbennig i 2024 gyda Chymdeithas Cyfieithwyr Cymru yn cyhoeddi mai Nia a enillodd y marciau uchaf drwy Gymru yn arholiad mis Hydref 2023. Go dda, rŵan!

Bu Alun ac Anna yn Llundain fis Medi i fynychu Cynhadledd a Seremoni Wobrwyo yr Association of Translation Companies gan fod Bla wedi’i enwebu am un o’r gwobrau.

Yr Association of Translation Companies (ATC) yw’r sefydliad mwyaf o’i fath yn cynrychioli cwmnïau cyfieithu y Deyrnas Unedig a thu hwnt. Mae Bla wedi bod yn aelod proffesiynol o’r ATC ers sawl blwyddyn bellach ac mae’n llwyfan arbennig ar gyfer ieithyddion o’r un anian – y cawsom y pleser o gwrdd â rhai ohonynt yn y digwyddiad hwn.

Cynhaliwyd y Seremoni Wobrwyo drawiadol ar gwch crand o’r enw ‘The Jewel of London’ ar yr afon Tafwys. Cawsom olygfeydd godidog o Lundain o dan olau’r lleuad, ond uchafbwynt y noson oedd ennill y brif wobr, sef Cwmni Cyfieithu y Flwyddyn

Am gyflawniad anhygoel a phrofiad bythgofiadwy. Pleser pur yw gweld ein gwaith caled a’n dyfalbarhad yn ennill cydnabyddiaeth ar y fath lwyfan. Llongyfarchiadau i’n tîm o staff gweithgar a diolch o galon i’n cleientiaid sy’n troi atom dro ar ôl tro! Rydym yn wên i gyd.

Beth ddaw nesaf, tybed?

Mae hi’n brysur iawn yma yn swyddfa Cwmni Cyfieithu Bla wrth i ni gyhoeddi ein bod wedi ein dyfarnu ag achrediad ffurfiol gan Gomisiynydd y Gymraeg, sef y Cynnig Cymraeg.

A ninnau’n gwmni cyfieithu, mae’r Gymraeg yn allweddol i’n bywydau a’n bywoliaeth. Mae’r ardystiad penodol hwn yn dangos ein hymrwymiad diysgog i’n hiaith frodorol hyfryd a dwyieithrwydd ym myd busnes yng Nghymru!

Mae rhai o’n cleientiaid eisoes wedi mynd ati i gyflawni’r Cynnig Cymraeg, ac wedi llwyddo i dderbyn cydnabyddiaeth gan y Comisiynydd, felly dyma eich llongyfarch chi i gyd! Rydym yn hynod falch o allu cyfrannu at eich defnydd o’r Gymraeg, rydym wirioneddol wrth ein bodd yn gweithio gyda’n cleientiaid.

Os hoffech ragor o wybodaeth ynghylch y Cynnig Cymraeg a sut allwn ni yn Bla eich helpu chi ar y daith honno, mae croeso i chi gysylltu ag Anna drwy anna@bla-translation.co.uk.

Rydym wedi mwynhau cyfnod o fyfyrio a dathlu yn HQ Bla a ninnau wedi cyrraedd carreg filltir arbennig wrth i Bla droi’n ddeg oed!

Datblygodd Alun y cwmni o’i ystafell sbâr ac mae bellach yn cyflogi deg o bobl leol ac yn gwasanaethu cleientiaid lu o Gymru a thu hwnt.

Mae dathlu’r degawd yn gyflawniad anhygoel, yn enwedig o ystyried yr heriau sydd wedi wynebu pob un ohonom yn ddiweddar, megis COVID-19.

Hoffem ddiolch i bob un wan jac o’n cleientiaid hyfryd, yr ydym wedi ffurfio perthnasoedd gweithio a chyfeillgarwch â nhw dros y blynyddoedd – byddai hyn yn amhosibl heboch chi!

Dyma edrych ymlaen at y degawd nesaf!

Llongyfarchiadau mawr i’n Swyddog Cyllid, Ffion, am lwyddo yn ei chwrs AAT Lefel 3! Mae ei gwaith caled a’i hymroddiad yn ystod ei hastudiaethau yn sicr wedi talu ar eu canfed ac rydym yn hynod falch drosti. Pleser o’r mwyaf yw gweld ein staff yn datblygu. Go dda wir!

Llongyfarchiadau i Elan, ein Cyfieithydd, sydd wedi llwyddo yn arholiad Cymdeithas Cyfieithwyr Cymru. Arbennig, Elan, da iawn wir!

Wedi cryn gyffro, cafwyd penwythnos arbennig o dda yn Gŵyl Cefni eleni. Am brofiad braf oedd clywed y dorf yn morio canu yn y Gymraeg. Pleser i Bla oedd noddi digwyddiad mor llwyddiannus ar ein hiniog – llongyfarchiadau i bawb ynghlwm!

Mae cyfieithu yn waith sychedig felly defnyddiol iawn yw’r oerydd dŵr hwn yn ein swyddfa. Diolch i Gary o Nant y Mynydd am ein cyflenwi â dŵr ffres, oer, blasus. Rydym ni’n barod am dywydd poeth!

Yn dilyn ymgyrch recriwtio llwyddiannus, pleser gennym yw cyhoeddi bod aelod newydd wedi ymuno â’n tîm. Estynnwn groeso cynnes iawn i Guto, sydd wedi ymuno â ni fel Cyfieithydd. Does dim dwywaith y bydd yn gaffaeliad gwych i Bla. Llongyfarchiadau, Guto! Llongyfarchiadau, Guto!